పాత బాన్సువాడ రోడ్డులో గుంతల వల్ల ప్రమాదం
ఫిర్యాదు మేరకు కేసు నమోదు చేసి దర్యాప్తు
తెలంగాణ డైలీ న్యూస్, బాన్సువాడ, జూన్ 06: ట్రాక్టర్ అదుపుతప్పి బోల్తా పడటంతో డ్రైవర్ అక్కడికక్కడే మృతి చెందిన ఘటన బాన్సువాడ సమీపంలో చోటుచేసుకుంది. బీర్కూర్ మండలం కిష్టాపూర్ గ్రామానికి చెందిన మంగలి రాజు, తండ్రి కాంతారావు, వయసు 36 సంవత్సరాలు, కులం మంగలి, వృత్తి డ్రైవర్.
ప్రమాద వివరాలు
మంగలి రాజు తన ట్రాక్టర్ను నడుపుతూ బాన్సువాడ నుంచి కిష్టాపూర్ వైపు వెళ్తుండగా పాత బాన్సువాడ వైపు వెళ్లే రోడ్డు సమీపంలో ప్రమాదవశాత్తు ట్రాక్టర్ అదుపుతప్పింది. రోడ్డుకు ఎడమవైపున ఉన్న గుంతల్లోంచి ట్రాక్టర్ వెళ్లడంతో డ్రైవర్ రాజు ట్రాక్టర్ మీద నుంచి ఎగిరి కిందపడ్డాడు.
తలకు బలమైన గాయంతో అక్కడికక్కడే మృతి
పడిన వేగానికి అతని తల, నుదుటి భాగంలో బలమైన గాయమైంది. చెవుల నుంచి రక్తస్రావం జరిగి అక్కడికక్కడే మృతి చెందాడు. ఈ ఘటనపై ఫిర్యాదుదారు ఇచ్చిన దరఖాస్తు మేరకు పోలీసులు కేసు నమోదు చేసి దర్యాప్తు చేపట్టారు.
إرسال تعليق