కామారెడ్డి జిల్లాలో 70 గ్రామాల్లో భూ రీ-సర్వే
గెజిట్ నోటిఫికేషన్ జారీ
ప్రతి మండలంలో 3 గ్రామాలు ఎంపిక
పారదర్శకంగా పూర్తి చేయాలని CCLA ఆదేశం
తెలంగాణ డైలీ న్యూస్, కామారెడ్డి, జూన్ 19: కామారెడ్డి జిల్లాలోని 70 గ్రామాల్లో సమగ్ర భూ రీ-సర్వే చేపట్టేందుకు జిల్లా యంత్రాంగం గెజిట్ నోటిఫికేషన్ జారీ చేసింది. జిల్లాలోని ప్రతి మండలం నుంచి మూడు గ్రామాల చొప్పున ఎంపిక చేసి ఈ రీ-సర్వే నిర్వహించనున్నారు.
శుక్రవారం తెలంగాణ ప్రభుత్వ ప్రధాన భూ పరిపాలన కమిషనర్ (CCLA), రెవెన్యూ శాఖ ప్రత్యేక ప్రధాన కార్యదర్శి లోకేష్ కుమార్ వీడియో కాన్ఫరెన్స్ ద్వారా రాష్ట్రవ్యాప్త రీ-సర్వే పురోగతిని సమీక్షించారు. అన్ని జిల్లాల కలెక్టర్లు, అదనపు కలెక్టర్లు, సర్వే అధికారులు ఈ సమావేశంలో పాల్గొన్నారు.
రీ-సర్వేను పారదర్శకంగా, వేగంగా పూర్తి చేయాలని, ప్రజలకు పూర్తి అవగాహన కల్పించాలని లోకేష్ కుమార్ అధికారులను ఆదేశించారు. అభ్యంతరాలు, క్లెయిమ్లను నిబంధనల మేరకు పరిష్కరించాలని సూచించారు.
జిల్లాలో రీ-సర్వే వివరాలు
జిల్లా కలెక్టర్ ఆశిష్ సాంగ్వాన్ వివరాల ప్రకారం, సర్వే అండ్ బౌండరీస్ చట్టం, 1923లోని సెక్షన్ 6(1) కింద 12.06.2026న జిల్లా గెజిట్ నెం.175 ద్వారా ఈ నోటిఫికేషన్ విడుదల చేశారు.
భూ రికార్డుల ఆధునీకరణ, సరిహద్దుల ఖచ్చితమైన నిర్ధారణ, భూ వివాదాల పరిష్కారం, భూ సమాచారాన్ని డిజిటల్గా పారదర్శకంగా నమోదు చేయడం రీ-సర్వే ముఖ్య ఉద్దేశమని కలెక్టర్ తెలిపారు.
ప్రజలు ఏం చేయాలి?
1. నోటిఫికేషన్ ప్రతులు అన్ని తహసీల్దార్, ఎంపీడీవో, గ్రామపంచాయతీ కార్యాలయాల నోటీసు బోర్డులపై అందుబాటులో ఉన్నాయి.
2. ఎంపికైన 70 గ్రామాలకు సంబంధించి అభ్యంతరాలు, క్లెయిమ్లు ఉంటే నిర్దేశిత గడువులోగా తహసీల్దార్ కార్యాలయం లేదా జిల్లా సర్వే భూ రికార్డుల కార్యాలయం, కామారెడ్డికి లిఖితపూర్వకంగా ఇవ్వాలి.
3. సర్వే అధికారులు అడిగినప్పుడు భూములకు సంబంధించిన పత్రాలు, సమాచారం అందించి సహకరించాలని కలెక్టర్ విజ్ఞప్తి చేశారు.
إرسال تعليق