Nizamsagar | నిజాంసాగర్ ప్రాజెక్ట్ వద్ద తప్పిన పెను ప్రమాదం

 

బాన్సువాడ MEOకు ఉపాధ్యాయ సంఘాల వినతిపత్రం  

సెన్సస్ సర్టిఫికెట్లు, అన్ని సంఘాలకు సమాన అవకాశం ఇవ్వాలని వినతి 

బాన్సువాడ: ఉపాధ్యాయుల సమస్యల పరిష్కారానికి సంబంధించి బాన్సువాడ మండల విద్యాధికారి  నాగేశ్వర్ రావును  మంగళవారం ఉపాధ్యాయ సంఘాల నాయకులు వినతిపత్రం అందజేశారు.సంఘాల తరపున నాయకులు MEOను కలిసి 3 ప్రధాన అంశాలను ప్రస్తావించారు.

సంఘాల డిమాండ్లు:  

1. సెన్సస్ సర్టిఫికెట్లు జారీ చేయాలి - 2026 ఏప్రిల్, మే నెలల్లో జరిగిన జనగణన సెన్సస్ విధుల్లో పాల్గొన్న ఉపాధ్యాయులకు హాజరు సర్టిఫికెట్లను వెంటనే అందజేయాలి.  

2. MRC కార్యక్రమాల్లో అందరికీ అవకాశం - MRC ఆధ్వర్యంలో జరిగే శిక్షణలు, సెమినార్లు, ఇతర కార్యక్రమాల్లో ఒకే సంఘానికి పెద్దపీట వేయకుండా అన్ని ఉపాధ్యాయ సంఘాలకు సమాన అవకాశం కల్పించాలి.  

3. ఉపాధ్యాయుల సమస్యలు పరిష్కరించాలి - ఉపాధ్యాయులు ఎదుర్కొంటున్న వివిధ పెండింగ్ సమస్యలను తక్షణమే పరిష్కరించాలి.

వినతిపత్రాన్ని స్వీకరించిన MEO నాగేశ్వర్ రావు మాట్లాడుతూ, అన్ని ఉపాధ్యాయ సంఘాలు తమకు సమానమేనని స్పష్టం చేశారు. ఏ ఒక్క సంఘానికి ప్రత్యేక ప్రాధాన్యత ఉండదని, అందరూ కలిసి ఐక్యంగా పనిచేసి విద్యా కార్యక్రమాలను విజయవంతం చేయాలని సూచించారు.

ఈ కార్యక్రమంలో SGT యూనియన్, TRTF, LFL HM యూనియన్, SCST యూనియన్, TPUS యూనియన్ నాయకులు పవార్ హీరాల్, శ్రీనివాస్ రావు, జాగృతి, దేవి సింగ్, పోతుగంటి వార్ హన్మాండ్లు తదితరులు పాల్గొన్నారు.