Nizamsagar | నిజాంసాగర్ ప్రాజెక్ట్ వద్ద తప్పిన పెను ప్రమాదం

బాన్సువాడలో ఈ రోజు సాయంత్రం తీసిన చిత్రాలివి 👆

ఆకాశంలో అరుదైన అద్భుతం - చంద్రుడు - శుక్రుడి కలయిక

నెలవంక చంద్రుడికి అతి సమీపంలో ప్రకాశవంతమైన శుక్ర గ్రహం (Venus)

హైదరాబాద్ / నిజామాబాద్ : ఈరోజు (సోమవారం) సాయంత్రం సూర్యాస్తమయం తర్వాత హైదరాబాద్, నిజామాబాద్, బాన్సువాడ ప్రాంతాల ఆకాశంలో అరుదైన ఖగోళ అద్భుతం కనిపించింది.

పడమర దిక్కున నెలవంక చంద్రుడికి అతి సమీపంలో ప్రకాశవంతమైన శుక్ర గ్రహం (Venus) దర్శనమిచ్చింది. దీనిని చంద్ర-శుక్ర సంయోగం (Moon-Venus Conjunction) అంటారు. ఈరోజు కొన్ని ప్రాంతాల్లో చంద్రుడు శుక్రుడిని పూర్తిగా కప్పివేయడం (Occultation) కూడా జరిగింది.

సుమారు 12% వెలుగుతో ఉన్న చంద్రవంక, 12 కోట్ల కిలోమీటర్ల దూరంలో ఉన్న శుక్రుడి ముందు నుండి వెళ్లడంతో ఈ అద్భుత దృశ్యం ఏర్పడింది. భూమి నుండి చూస్తే రెండు ఒకే దగ్గర ఉన్నట్లు కనిపించాయి, వాస్తవానికి చంద్రుడు 3.8 లక్షల కి.మీ దూరంలోనే ఉంది.

ఈ నెలలో శుక్రుడు అత్యంత ప్రకాశవంతంగా వెలుగుతుండటంతో సూర్యాస్తమయం తర్వాత ఒక గంట పాటు సాధారణ కంటితోనే స్పష్టంగా కనిపించింది. చాలా మంది ప్రజలు ఈ దృశ్యాన్ని తమ మొబైల్ ఫోన్లలో బంధించారు.

ఖగోళ నిపుణుల ప్రకారం, సెప్టెంబర్ 18న శుక్రుడు ఈ సంవత్సరంలోనే అత్యంత ప్రకాశవంతంగా కనిపించనున్నాడు.