بانسواڑہ کے بیرکور منڈل میں انسانیت سوز واقعہ: 8 ماہ کی معصوم بچی پر بلیڈ کے وار،

సింగూర్ సెగ్మెంట్‌లో తాగునీటి వనరులపై సమగ్ర సర్వేకు కమిటీ ఏర్పాటు  

భూగర్భ జలాల పరిరక్షణకు రీఛార్జ్ పిట్ల నిర్మాణానికి ప్రణాళిక  

14 మండలాల్లో చేతి పంపులు, బోర్‌వెల్లపై అధ్యయనం చేయనున్న అధికారులు  

జుక్కల్, బాన్సువాడ, ఎల్లారెడ్డి నియోజకవర్గాల పరిధిలోని గ్రామాల్లో సర్వే

కామారెడ్డి, తెలంగాణ డైలీ న్యూస్:  

సింగూర్ రిజర్వాయర్ నీటి లభ్యతను సమర్థవంతంగా వినియోగించడంతో పాటు భూగర్భ జలాలను పరిరక్షించేందుకు సింగూర్ సెగ్మెంట్ పరిధిలోని 14 మండలాల్లో తాగునీటి వనరులపై సమగ్ర సర్వే చేపట్టాలని జిల్లా యంత్రాంగం నిర్ణయించింది.  

ఈ మేరకు శనివారం కామారెడ్డి జిల్లా కలెక్టర్ క్యాంప్ కార్యాలయంలో సమావేశం నిర్వహించారు. జిల్లా కలెక్టర్ ఆదేశాల మేరకు జుక్కల్, బాన్సువాడ, ఎల్లారెడ్డి నియోజకవర్గాల పరిధిలోని 14 మండలాల గ్రామాల్లో సర్వే కోసం ప్రత్యేక కమిటీని ఏర్పాటు చేశారు.  

ఈ కమిటీలో జిల్లా అదనపు కలెక్టర్, జిల్లా పరిషత్ ముఖ్య కార్యనిర్వాహక అధికారి, జిల్లా పంచాయతీ అధికారి, జిల్లా గ్రామీణాభివృద్ధి అధికారి, జిల్లా భూగర్భ జలాల శాఖ ఉప సంచాలకులు, మిషన్ భగీరథ కార్యనిర్వాహక అభియంత సభ్యులుగా ఉంటారు.  

కమిటీ సభ్యులు గ్రామాల వారీగా చేతి పంపులు, బోర్‌వెల్లు, సింగిల్ ఫేజ్ మోటార్లు, గ్రామీణ తాగునీటి పథకాల సోర్స్‌లను క్షేత్రస్థాయిలో సర్వే చేసి నీటి వనరుల పరిస్థితిని అంచనా వేయనున్నారు. సర్వే నివేదిక ఆధారంగా అవసరమైన ప్రాంతాల్లో రీఛార్జ్ పిట్ల ఏర్పాటుకు ప్రణాళిక రూపొందించి, భూగర్భ జలాల పునరుద్ధరణతో పాటు తాగునీటి వనరుల స్థిరీకరణకు చర్యలు చేపట్టనున్నారు.  

ఈ కార్యక్రమం ద్వారా భవిష్యత్తులో తాగునీటి సమస్యలు తలెత్తకుండా ముందస్తు చర్యలు తీసుకోవడంతో పాటు, వర్షపు నీటిని భూగర్భ జలాల్లోకి ఇంకేలా శాశ్వత పరిష్కారాలను అమలు చేయనున్నట్లు జిల్లా కలెక్టర్ తెలిపారు.

రేక్ పాయింట్‌ను సందర్శించి, KRIBHCO యూరియా రేక్ చేరికను పరిశీలించిన జిల్లా కలెక్టర్ ఆశిష్ సాంగ్వాన్ 

జిల్లా కేంద్రం లోని  రైల్వే స్టేషన్ లో  శనివారం రేక్ పాయింట్‌ను సందర్శించి, KRIBHCO యూరియా రేక్ చేరికను పరిశీలించారు. 

రైతులు యూరియా కొరతపై ఆందోళన చెందాల్సిన అవసరం లేదని అన్నారు.

రాష్ట్రంలోని రైతులకు ఎరువుల సరఫరాను సక్రమంగా నిర్వహించేందుకు ప్రభుత్వం యూరియా పంపిణీ కోసం ప్రత్యేక మొబైల్ యాప్‌ను రూపొందించి అమలు చేస్తోంది. ఈ విధానం ద్వారా రైతులు సాగు చేస్తున్న పంటల విస్తీర్ణానికి అవసరమైన మేరకే యూరియా అందజేయబడుతోంది. దీంతో ఎరువుల సమాన పంపిణీతో పాటు అక్రమ నిల్వలు, మళ్లింపులను కూడా సమర్థవంతంగా అరికట్టడం సాధ్యమవుతోంది.

ఈ సందర్భంగా జిల్లా కలెక్టర్ కామారెడ్డి రేక్ పాయింట్‌ను సందర్శించి, KRIBHCO యూరియా రేక్ చేరికను పరిశీలించారు. రిటైలర్లు అందరూ యాప్‌లో నిల్వలను తప్పనిసరిగా నిర్ధారించాలని, అలాగే యూరియా విక్రయాలు పూర్తిగా ఈ-పాస్ (ePOS) యంత్రాల ద్వారానే నిర్వహించేలా చర్యలు తీసుకోవాలని ఆదేశించారు.

జిల్లాలో గత వానాకాలంలో ఇదే సమయానికి 58,753 ఎకరాల్లో పంటలు నమోదుకాగా, ఈ ఏడాది ఇప్పటివరకు కేవలం 8,346 ఎకరాల్లో మాత్రమే పంటలు నమోదయ్యాయి. అంటే గత ఏడాదితో పోలిస్తే ప్రస్తుతం సాగు విస్తీర్ణం గణనీయంగా తక్కువగా ఉంది.

అయినప్పటికీ, జిల్లాలోని రైతులు ఇప్పటివరకు 4.08 లక్షల యూరియా బస్తాలను కొనుగోలు చేయగా, గత ఏడాది ఇదే సమయానికి 3.30 లక్షల బస్తాలను మాత్రమే కొనుగోలు చేశారు. సాగు విస్తీర్ణం తగ్గినప్పటికీ యూరియా కొనుగోళ్లు పెరగడం గమనార్హం. ప్రభుత్వం ముందస్తుగా యూరియా లభ్యతను కల్పించడంతో రైతులు తమ సాగు అవసరాలకు అనుగుణంగా ఎరువులను ముందుగానే కొనుగోలు చేస్తున్నారు.

ప్రస్తుతం జిల్లాలో సుమారు 1.58 లక్షల యూరియా బస్తాల నిల్వలు అందుబాటులో ఉన్నాయి. రైతులు మొబైల్ యాప్ ద్వారా బుకింగ్ చేసుకుని ఎలాంటి ఇబ్బందులు లేకుండా యూరియాను పొందుతున్నారు. ప్రభుత్వం రైతుల అవసరాలను ఎప్పటికప్పుడు అంచనా వేస్తూ, కేంద్ర ప్రభుత్వంతో నిరంతరం సమన్వయం చేసుకుంటూ తగిన నిల్వలను అందుబాటులో ఉంచుతోంది. అందువల్ల రైతులు యూరియా కొరతపై ఎలాంటి ఆందోళన చెందాల్సిన అవసరం లేదని జిల్లా కలెక్టర్ తెలిపారు.

ఈ తనిఖీలో  అదనపు కలెక్టర్ (రెవెన్యూ), డీఎం మార్క్‌ఫెడ్, వ్యవసాయ శాఖ ఏడీఏ కామారెడ్డి, జిల్లా నోడల్ అధికారి (ఎరువులు) తదితరులు పాల్గొన్నారు.