బీబీపేట పరిధిలో పేకాట స్థావరంపై పోలీసుల దాడి
రూ.7,662 నగదు, 5 మొబైల్స్, 3 బైకులు స్వాధీనం
నలుగురి అరెస్ట్, పరారీలో మరో నిందితుడు
జూదం వద్దు – జిల్లా ఎస్పీ హెచ్చరిక
కామారెడ్డి: బీబీపేట్ పోలీస్ స్టేషన్ పరిధిలోని యాడారం గ్రామ శివారు అటవీ ప్రాంతంలో పేకాట ఆడుతున్న వారిపై పోలీసులు ఆకస్మిక దాడి నిర్వహించారు. విశ్వసనీయ సమాచారం మేరకు బీబీపేట్ ఎస్హెచ్ఓ ఆధ్వర్యంలో పోలీసు సిబ్బంది దాడి చేసి, పేకాట ఆడుతున్న నలుగురిని అదుపులోకి తీసుకుని కేసు నమోదు చేశారు.
నిందితుల వద్ద నుండి పోలీసులు కింది వస్తువులను స్వాధీనం చేసుకున్నారు:
నగదు – రూ.7,662
మొబైల్ ఫోన్లు – 5
మోటార్ సైకిళ్లు – 3
పేక ముక్కలు – 52
పరారీలో ఉన్న మరో నిందితుడి కోసం గాలింపు చర్యలు కొనసాగుతున్నాయి.
జూదం ప్రమాదకరం – జిల్లా ఎస్పీ హెచ్చరిక
జూదం ఒక ప్రమాదకరమైన వ్యసనమని, దీనికి బానిసైతే వ్యక్తిగత, కుటుంబ, ఆర్థిక జీవితాలు తీవ్రంగా దెబ్బతింటాయని జిల్లా ఎస్పీ తెలిపారు. త్వరగా డబ్బు సంపాదించాలనే ఆశతో చట్టవిరుద్ధమైన పేకాట, జూదం వంటి కార్యకలాపాలకు పాల్పడితే చట్టపరమైన చర్యలు, ఆర్థిక నష్టాలు, కుటుంబ సమస్యలే మిగులుతాయని హెచ్చరించారు.
యువత తమ భవిష్యత్తుపై దృష్టి పెట్టాలని, జూదం వంటి దురలవాట్లకు దూరంగా ఉండాలని సూచించారు. ఎక్కడైనా పేకాట లేదా జూదం జరుగుతున్నట్లు సమాచారం తెలిసిన వెంటనే డయల్-100 లేదా సమీప పోలీస్ స్టేషన్కు సమాచారం అందించాలని జిల్లా ఎస్పీ ప్రజలకు విజ్ఞప్తి చేశారు.
Post a Comment