Nizamsagar | నిజాంసాగర్ ప్రాజెక్ట్ వద్ద తప్పిన పెను ప్రమాదం

బాన్సువాడ ప్రభుత్వ జూనియర్ కళాశాలను సందర్శించిన కలెక్టర్ ఆశిష్ సంగ్వాన్  

ఫ్యాకల్టీ డెవలప్‌మెంట్ శిక్షణ, టాపర్లకు బహుమతులు, మొక్కలు నాటిన కలెక్టర్ 

బాన్సువాడ:జిల్లా కలెక్టర్ ఆశిష్ సంగ్వాన్  బుధవారం బాన్సువాడ ప్రభుత్వ జూనియర్ కళాశాలను ఆకస్మికంగా సందర్శించారు. కళాశాలలో నిర్వహిస్తున్న ఫ్యాకల్టీ డెవలప్‌మెంట్ ప్రోగ్రాం శిక్షణ తరగతులను పరిశీలించి, విద్యార్థులు, అధ్యాపకులతో మాట్లాడారు.

కామారెడ్డి జిల్లా ఇంటర్మీడియట్ నోడల్ అధికారి షేక్ సలాం, బాన్సువాడ ఆర్డీఓ రవీందర్ రెడ్డి తో కలిసి కలెక్టర్ కళాశాలకు చేరుకున్నారు. 

FDP శిక్షణ తరగతుల పరిశీలన

"Future Ready Education for a Rising Telangana" పేరుతో 2-Day District Level FDP Workshopలో భాగంగా జరుగుతున్న శిక్షణను కలెక్టర్ పరిశీలించారు. తరగతి గదుల్లో జిల్లా రిసోర్స్ పర్సన్లు అధ్యాపకులకు అందిస్తున్న శిక్షణను చూశారు. బోధనా పద్ధతులు, సబ్జెక్టు అంశాలను వివరిస్తున్న తీరుపై సంతృప్తి వ్యక్తం చేశారు.

ఈ సందర్భంగా అధ్యాపకులతో మాట్లాడిన కలెక్టర్, శిక్షణలో నేర్చుకున్న అంశాలను తరగతి గదుల్లో సమర్థవంతంగా అమలు చేసి విద్యార్థులకు నాణ్యమైన విద్య అందించాలని సూచించారు. అధ్యాపకుల బోధనా సామర్థ్యాలను మెరుగుపరచడానికి ఇలాంటి కార్యక్రమాలు ఉపయోగపడతాయని అధికారులు తెలిపారు.

టాపర్లను అభినందించి బహుమతులు అందజేత  

IPE March 2026 ఫలితాల్లో ప్రతిభ చూపిన విద్యార్థినులను కలెక్టర్ అభినందించారు. కళాశాల ఆవరణలో ఏర్పాటు చేసిన కార్యక్రమంలో టాపర్లకు బహుమతులు అందజేశారు. ర్యాంకులు సాధించిన విద్యార్థినులను చూసి కలెక్టర్ హర్షం వ్యక్తం చేశారు.

విద్యార్థులతో ముచ్చటింపు, మొక్కలు నాటారు  

అనంతరం కళాశాల విద్యార్థులతో కలెక్టర్ ముచ్చటించారు. వారి చదువు, కెరీర్ లక్ష్యాలు, కళాశాలలో అందుతున్న వసతుల గురించి అడిగి తెలుసుకున్నారు. క్రమశిక్షణతో చదివి ఉన్నత లక్ష్యాలను సాధించాలని విద్యార్థులకు స్ఫూర్తినిచ్చారు.కళాశాలలోని మౌలిక సదుపాయాలు, తరగతి గదుల పరిస్థితిని కూడా కలెక్టర్ క్షుణ్ణంగా పరిశీలించారు.

కళాశాల ఆవరణలో కలెక్టర్ మొక్కలు నాటారుతదుపరి ఫ్యాకల్టీ డెవలప్మెంట్ ప్రోగ్రాంలో పాల్గొన్న అధ్యాపకులను ఉద్దేశించి కలెక్టర్ ప్రసంగించారు. మారుతున్న విద్యా విధానాలకు అనుగుణంగా అధ్యాపకులు నూతన బోధనా పద్ధతులను అలవర్చుకోవాలని సూచించారు. విద్యార్థులలో నైపుణ్యాలను పెంపొందించడంతో పాటు, వారి భవిష్యత్తుకు మార్గనిర్దేశం చేసే విధంగా బోధన సాగించాలని దిశానిర్దేశం చేశారు. కళాశాల ప్రాంగణం వాతావరణం చాలా ఆహ్లాదకరంగా చక్కగా ఉందని నోడల్ అధికారి షేక్ సలాం ను ప్రశంసించారు. అనంతరం జిల్లా కలెక్టర్ ను ఇంటర్మీడియట్ నోడల్ అధికారి షేక్ సలాం మెమొంటో ,శాలువాతో ఘనంగా సన్మానించారు.

ఈ కార్యక్రమంలో  కళాశాల డెవలప్మెంట్ కమిటీ సభ్యులు మహమ్మద్ ఎజాస్ , దాసరి శ్రీనివాస్ ,ప్రభుత్వ బాలికల జూనియర్ కళాశాల బాన్సువాడ ప్రిన్సిపల్ అసద్ ఫారుఖ్, లింగంపేట్ ప్రిన్సిపాల్ నరేందర్, బాన్సువాడ జూనియర్ కళాశాల ఇన్చార్జి ప్రిన్సిపల్ యాద గౌడ్,సిబ్బంది, కౌన్సిలర్ హకీం తదితరులు పాల్గొన్నారు.