అనారోగ్య కారణాలతో ఉపాధ్యాయుడు ఆత్మహత్య
కామారెడ్డి, సెప్టెంబర్ 05: ఉపాధ్యాయ దినోత్సవం రోజున ఓ ఉపాధ్యాయుడు ఆత్మహత్య చేసుకోవడంతో విషాదం నెలకొంది.
భిక్కనూరు మండలం జంగంపల్లి జిల్లా పరిషత్ ఉన్నత పాఠశాలలో సాంఘిక శాస్త్రం బోధించే ఉపాధ్యాయుడు ఆత్మహత్యకు పాల్పడినట్లు పోలీసులు తెలిపారు.
కామారెడ్డి పట్టణంలోని కల్కి నగర్ లోని ఆయన స్వగృహంలో ఉరి వేసుకొని ఆత్మహత్య చేసుకున్నట్లు పోలీసులు చెప్పారు. అనారోగ్య కారణాలతోనే ఆత్మహత్య చేసుకున్నట్లు కుటుంబ సభ్యులు ఫిర్యాదు చేసినట్లు పోలీసులు పేర్కొన్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
ఉపాధ్యాయులను సన్మానించుకొంటున్న రోజూ...
సెప్టెంబర్ 5 - అందరూ ఉపాధ్యాయులను సన్మానించుకుంటున్న రోజు. కానీ అదే రోజున ఒక ఉపాధ్యాయుడు తను లేకుండా పోయాడు. భిక్కనూరు మండలం, జంగంపల్లి ZPHS స్కూల్లో సోషల్ టీచర్ గా పనిచేస్తున్నారు. పిల్లలకు పాఠాలు చెప్పే మనిషి, సొంత అనారోగ్య బాధను మాత్రం ఎవరికీ చెప్పుకోలేకపోయారు. కామారెడ్డి కల్కి నగర్ లోని తన ఇంట్లోనే ఆయన ప్రాణాలు వదిలారు. కుటుంబ సభ్యులు చెప్పిన దాని ప్రకారం, చాలా రోజులుగా అనారోగ్య సమస్యలతో బాధపడుతున్నారట. అదే మనస్తాపానికి కారణమై ఉండొచ్చని పోలీసులు చెబుతున్నారు. ఒకవైపు జిల్లా అంతా ఉపాధ్యాయ దినోత్సవ వేడుకలు జరుగుతుంటే, మరోవైపు ఇలాంటి వార్త రావడం అందరినీ కలిచివేసింది.
Post a Comment