నీటిని పొదుపుగా వాడుకోవాలి: మిషన్ భగీరథ గ్రిడ్ ఈఈ ఎస్. స్వప్న
కామారెడ్డి: ఎల్ నినో ప్రభావంతో సింగూరు జలాశయంలో నీటిమట్టం గణనీయంగా తగ్గుతున్న నేపథ్యంలో బల్క్ నీటి సరఫరాను రోజు విడిచి రోజు అందించాలని నిర్ణయించినట్లు బాన్సువాడ మిషన్ భగీరథ గ్రిడ్ కార్యనిర్వాహక ఇంజినీర్ (ఈఈ) ఎస్. స్వప్న సోమవారం ఒక ప్రకటనలో తెలిపారు. ఉన్నతాధికారుల ఆదేశాల మేరకు ఈ నిర్ణయం తీసుకున్నట్లు పేర్కొన్నారు.
నీటి సరఫరా షెడ్యూల్:
- ఈ నెల 28న - ఎల్లారెడ్డి, జుక్కల్ నియోజకవర్గాలకు బల్క్ నీటి సరఫరా
- ఈ నెల 29న - బాన్సువాడ, బోధన్ నియోజకవర్గాలకు బల్క్ నీటి సరఫరా
ప్రస్తుత పరిస్థితులను దృష్టిలో ఉంచుకొని ప్రజలు తాగునీటిని పొదుపుగా వినియోగించుకోవాలని, నీటి వృథాను అరికట్టాలని ఈఈ ఎస్. స్వప్న సూచించారు. అలాగే అందుబాటులో ఉన్న ప్రత్యామ్నాయ నీటి వనరులను ముందుగానే సిద్ధం చేసుకోవాలని, నీటి కొరతను అధిగమించేందుకు ప్రజలందరూ సహకరించాలని విజ్ఞప్తి చేశారు.
Post a Comment