3 రోజుల ఆధ్యాత్మిక ఉత్సవాలకు సర్వం సిద్ధం
నిజామాబాద్, అక్టోబర్ 28:నిజామాబాద్ నగర చరిత్రలో అంతర్భాగంగా నిలిచిన, వందల ఏళ్ల చరిత్ర కలిగిన కంటేశ్వర్ లోని ప్రసిద్ధ హజ్రత్ కమాల్ షా బియాబానీ మరియు హజ్రత్ ఫతే ఉల్లా షా బియాబానీ దర్గా వార్షిక ఉర్స్ షరీఫ్ ఉత్సవాలకు ముహూర్తం ఖరారైంది.
అక్టోబర్ 31 నుండి నవంబర్ 2 వరకు మూడు రోజుల పాటు సూఫీ సంప్రదాయం ఉట్టిపడేలా ఉర్స్ వేడుకలు అత్యంత వైభవంగా జరగనున్నాయి. దీనికి సంబంధించిన ఏర్పాట్లను దర్గా సజ్జాదా నషీన్ పర్యవేక్షిస్తున్నారు.
షెడ్యూల్ ఇదే:
అక్టోబర్ 31, శనివారం - సందల్ జులూస్ మరియు మెహఫిల్-ఎ-సమా:
సాయంత్రం మగ్రిబ్ నమాజ్ తర్వాత సజ్జాదా నషీన్ సూఫీ అల్ హజ్ మహ్మద్ అబ్దుల్ ఖాదర్ చిష్టీ ఖాద్రీ (అహ్మద్ సాహెబ్) నివాసం నుండి దర్గా వరకు సందల్ మాలీ ఊరేగింపు (జులూస్) ప్రారంభమవుతుంది. సుగంధ ద్రవ్యాలతో కూడిన సందల్ తో దర్గాను అలంకరించడం ఈ ఉర్స్ ప్రత్యేకత. రాత్రి ఇషా నమాజ్ తర్వాత సూఫీ ఖవ్వాలీలతో మెహఫిల్-ఎ-సమా కార్యక్రమం జరుగుతుంది.
నవంబర్ 1, ఆదివారం - చిరాగాన్:
మగ్రిబ్ తర్వాత దర్గా ప్రాంగణం మొత్తం దీపాలతో అలంకరించే చిరాగాన్ కార్యక్రమం కన్నుల పండుగగా జరుగుతుంది. వేలాది మంది భక్తులు హాజరయ్యే ఈ ఘట్టం ఆధ్యాత్మిక శోభను తీసుకువస్తుంది.
నవంబర్ 2, సోమవారం - ఫాతెహా ఖ్వానీ తో ముగింపు:
అసర్ నమాజ్ తర్వాత ఉర్స్ షరీఫ్ ముగింపు వేడుక, ఫాతెహా ఖ్వానీ ప్రత్యేక ప్రార్థనలతో ఉత్సవాలు ముగుస్తాయి.
ఈ సందర్భంగా సజ్జాదా నషీన్ అల్ హజ్ సూఫీ మహ్మద్ అబ్దుల్ ఖాదర్ ఖాద్రీ చిష్టీ గారు మాట్లాడుతూ, కులమతాలకు అతీతంగా అందరూ ఈ ఉర్స్ లో పాల్గొని హజ్రత్ ల ఫైజ్, బరకత్ లను పొందాలని భక్తులకు పిలుపునిచ్చారు.
వేదిక: దర్గా హజ్రత్ కమాల్ షా బియాబానీ, కంటేశ్వర్, నిజామాబాద్.
 |
| Advt |
Post a Comment