Incident in Manjira | కామారెడ్డి జిల్లాలో విషాదం: మంజీరా నదిలో ముగ్గురు మహిళలు, ఒక యువకుడు గల్లంతు

బాన్సువాడ పోలీసుల దాడి

1.042 కిలోల గంజాయి స్వాధీనం, ముగ్గురు అరెస్ట్  

కర్ణాటక నుండి గంజాయి రవాణా  

వాహన తనిఖీల్లో పట్టుబడ్డ నిందితులు  

తెలంగాణ డైలీ న్యూస్, బాన్సువాడ, జూన్ 9: బాన్సువాడ పోలీసులు 1.042 కిలోల గంజాయిని స్వాధీనం చేసుకొని ముగ్గురు నిందితులను అరెస్టు చేశారు.  

వాహన తనిఖీల్లో పట్టుబడ్డ నిందితులు  

09-06-2026న బాన్సువాడ పోలీస్ స్టేషన్ సిబ్బంది బుడిమి చౌరస్తా వద్ద బిచ్కుంద-బాన్సువాడ ప్రధాన రహదారిపై వాహనాల తనిఖీలు నిర్వహిస్తుండగా, మద్దెల చెరువు వైపు నుండి రెండు మోటార్ సైకిళ్లపై ముగ్గురు వ్యక్తులు అనుమానాస్పదంగా రావడం గమనించారు. పోలీసులను చూసి పారిపోవడానికి ప్రయత్నించగా, వెంటనే వెంబడించి మంజీరా బ్రిడ్జి సమీపంలో వారిని పట్టుకున్నారు.  

నిందితుల వివరాలు  

విచారణలో నిందితులను 1. సాలవత్ చందర్, నివాసం అవాజ్‌పల్లి తాండ, హనుమాజీపేట్ గ్రామం, 2. లంబాడి శ్రీకాంత్, నివాసం అవాజ్‌పల్లి తాండ, హనుమాజీపేట్ గ్రామం, 3. సునీల్ కుమార్, నివాసం విజయనగర్ తాండ, వల్లేపూర్ గ్రామం, ఔరాద్ తాలూకా, కర్ణాటక రాష్ట్రంగా గుర్తించారు.  

కర్ణాటక నుండి గంజాయి రవాణా  

కర్ణాటక నుండి గంజాయిని కొనుగోలు చేసి తమ ప్రాంతంలో విక్రయించడానికి తీసుకువస్తున్నట్లు వారు అంగీకరించారు.  

స్వాధీనం చేసుకున్న వస్తువులు  

బాన్సువాడ తహసీల్దార్ ద్వారా నియమించబడిన ప్రభుత్వ ఉద్యోగులైన పంచుల సమక్షంలో తనిఖీ చేయగా, హోండా షైన్ మోటార్ సైకిల్‌లో దాచిన గంజాయి లభ్యమైంది. తూకం వేయగా నికర బరువు 1.042 కిలోగ్రాములు ఉన్నట్లు తేలింది. స్వాధీనం చేసుకున్న గంజాయి అంచనా విలువ సుమారు రూ. 26,050/-. ఈ కేసులో 1.042 కిలోల గంజాయి, రెండు మోటార్ సైకిళ్లు, నిందితులు ఉపయోగించిన మొబైల్ ఫోన్లు స్వాధీనం చేసుకున్నారు.  

కేసు నమోదు - న్యాయస్థానంలో హాజరు  

బాన్సువాడ పోలీస్ స్టేషన్‌లో కేసు నమోదు చేసి ముగ్గురు నిందితులను అరెస్టు చేసి న్యాయస్థానం ఎదుట హాజరుపరిచారు. గంజాయి సరఫరా, విక్రయాల వెనుక ఉన్న ఇతర వ్యక్తుల వివరాలను వెలికితీసేందుకు దర్యాప్తు కొనసాగుతోంది.  

ప్రజలకు పోలీసుల విజ్ఞప్తి  

మాదక ద్రవ్యాల అక్రమ రవాణా, విక్రయాలు లేదా వినియోగానికి సంబంధించిన సమాచారం తెలిస్తే వెంటనే సమీప పోలీస్ స్టేషన్‌కు లేదా పోలీస్ అధికారులకు సమాచారం అందించాలని బాన్సువాడ పోలీసులు ప్రజలకు విజ్ఞప్తి చేశారు.