فیملی سرٹیفکیٹ کے اجراء میں تاخیر
بَانسواڑہ میں عوام شدید پریشان
پی ار ایس پارٹی بَانسواڑہ کا حکومت سے فوری سرٹیفکیٹس جاری کرنے کا مطالبہ
نامہ نگار احمد محی الدین
تلنگانہ کانگریس حکومت کی جانب سے اعلان کیا گیا تھا کہ آن لائن درخواست دینے کے بعد پرمننٹ فیملی سرٹیفکیٹ دو دن کے اندر، تحصیل افس سے جاری کیا جائے گا، لیکن بَانسواڑہ میں اس اعلان پر عمل ہوتا نظر نہیں آ رہا ہے۔
بانسواڑہ منڈل، ٹاؤن اور حلقہ کے مختلف علاقوں میں عوام نے پرمننٹ سرٹیفکیٹ کے لیے آن لائن درخواستیں جمع کرائی ہیں۔ کئی درخواست گزاروں کو درخواست دیے ہوئے دو دو ہفتے گزر چکے ہیں، لیکن ابھی تک سرٹیفکیٹس جاری نہیں کیے گئے۔
سرٹیفکیٹ کے انتظار میں عوام کو بار بار متعلقہ دفاتر کے چکر لگانے پڑ رہے ہیں، جس کی وجہ سے انہیں شدید مشکلات کا سامنا ہے۔ عوام کا مطالبہ ہے کہ سرکاری طور پر مقرر کی گئی مدت کے مطابق درخواستوں پر کارروائی کرتے ہوئے سرٹیفکیٹس جلد جاری کیے جائیں بَانسواڑہ کے شیخ اکبر، سابق وارڈ ممبر نے حکومت اور متعلقہ حکام سے مطالبہ کیا کہ زیرِ التوا تمام پرمننٹ سرٹیفکیٹس کو جلد از جلد جاری کیا جائے اور عوام کو مزید پریشانی سے نجات دلائی جائے۔
شیخ اکبر نے کہا کہ عوامی مسئلے کے باوجود بَانسواڑہ کے مقامی کانگریس سیاسی قائدین اس معاملے پر توجہ نہیں دے رہے ہیں
Post a Comment