స్మార్ట్ రేషన్ కార్డుల్లో తప్పులు - సరిచేసుకోవాలని కలెక్టర్ విజ్ఞప్తి
గ్రామం, మండలం, చిరునామా తప్పుగా ఉన్న కార్డుదారులు తహసీల్దార్ కార్యాలయాన్ని సంప్రదించాలి
కామారెడ్డి, సెప్టెంబర్ 02:
కామారెడ్డి జిల్లాలో ఇటీవల ముద్రించిన కొన్ని స్మార్ట్ రేషన్ కార్డులలో గ్రామం, మండలం, చిరునామా వివరాలు తప్పుగా నమోదైనట్లు గుర్తించినట్లు జిల్లా పౌర సరఫరాల శాఖ కలెక్టర్ (సీఎస్) కార్యాలయం తెలిపింది. గతంలో జరిగిన డేటా ట్యాగింగ్ లోపాల కారణంగా ఈ తప్పులు జరిగాయని ఒక ప్రకటన లో పేర్కొంది.
తప్పులు ఉన్న స్మార్ట్ రేషన్ కార్డుదారులు తమ ప్రస్తుత కార్డుతో సంబంధిత తహసీల్దార్ కార్యాలయాన్ని సంప్రదించి సరిచేయించుకోవాలని సూచించింది.
తహసీల్దార్ కార్యాలయం సరైన వివరాలను ధృవీకరించి కామారెడ్డి డీసీఎస్ఓ కార్యాలయానికి పంపుతుందని, అక్కడ ఆన్‌లైన్ డేటాబేస్‌లో సవరణ చేసిన తర్వాత స్మార్ట్ రేషన్ కార్డులో గ్రామం/చిరునామా/మండలం వివరాలు ఆటోమేటిక్‌గా అప్‌డేట్ అవుతాయని తెలిపింది.
కార్డుదారులు తమ స్మార్ట్ రేషన్ కార్డు వెనుక వైపు ఉన్న క్యూఆర్ కోడ్‌ను స్కాన్ చేసి వివరాలను కూడా చెక్ చేసుకోవచ్చని అధికారులు తెలిపారు.
ప్రజలందరూ ఈ సౌకర్యాన్ని వినియోగించుకుని తమ స్మార్ట్ రేషన్ కార్డులను త్వరగా సరిచేసుకోవాలని కలెక్టర్ (సీఎస్), కామారెడ్డి జిల్లా కోరారు.
Post a Comment