కాస్లాబాద్‌లో సోయాబీన్ దొంగతనం కేసు ఛేదింపు - నిందితుడి అరెస్ట్
93 కిలోల సోయాబీన్, దొంగిలించిన బైక్ స్వాధీనం - పెద్దకొడపగల్ పోలీసుల విజయం
బేగంపూర్ గేట్ వద్ద వాహన తనిఖీల్లో దొరికిన నిందితుడు
పెద్ద కొడప్ గల్, అక్టోబర్ 31: కాస్లాబాద్ గ్రామంలో జరిగిన సోయాబీన్ దొంగతనం కేసును పెద్దకొడపగల్ పోలీసులు ఛేదించారు. నిందితుడిని అరెస్ట్ చేసి రిమాండ్‌కు తరలించారు.
తేది 29.10.2026న కాస్లాబాద్‌కు చెందిన రైతు చౌదరి అనంతరావు తన ఇంటి ఆవరణలో నిల్వ ఉంచిన రెండు సంచుల సోయాబీన్ (సుమారు రూ.6,000 విలువ) చోరీకి గురైనట్లు పోలీసులకు ఫిర్యాదు చేశారు. కేసు నమోదు చేసిన పోలీసులు సీసీ కెమెరా ఫుటేజీలు, స్థానిక సమాచారంతో దర్యాప్తు చేపట్టారు.
ఈ క్రమంలో 31.10.2026న బేగంపూర్ గేట్ సమీపంలోని NH-161 వద్ద వాహన తనిఖీలు నిర్వహిస్తుండగా అనుమానాస్పద వ్యక్తిని అదుపులోకి తీసుకున్నారు. విచారణలో కాస్లాబాద్‌లో సోయాబీన్ చోరీతో పాటు, జుక్కల్ మండలం ఖండేబల్లూర్‌లో మోటార్ సైకిల్ దొంగతనం కూడా చేసినట్లు వెల్లడైంది.
నిందితుడు వ్యవసాయం చేసుకుంటూ జీవనం సాగిస్తున్నప్పటికీ మద్యపానం, విలాసవంతమైన జీవనశైలికి అలవాటుపడి సులభంగా డబ్బు సంపాదించాలనే ఉద్దేశంతో దొంగతనాలకు పాల్పడుతున్నట్లు విచారణలో తేలింది. ఏడు నెలల క్రితం ఖండేబల్లూర్‌లోని మెకానిక్ షాపు ముందు పార్క్ చేసిన హోండా షైన్ బైక్‌ను దొంగిలించి నంబర్ ప్లేట్లు తొలగించి వాడుతున్నాడు. కాస్లాబాద్‌లో దొంగిలించిన సోయాబీన్‌ను పిట్లంలో విక్రయించేందుకు తీసుకెళ్తుండగా పట్టుబడ్డాడు.
నిందితుడి వివరాలు: సొంటికె నారాయణ s/o భాగయ్య, వయసు 43, గ్రామం కాస్లాబాద్, మండలం పెద్దకొడపగల్.
స్వాధీనం చేసుకున్నవి: 93 కిలోల సోయాబీన్ (రెండు సంచులు), నల్లరంగు హోండా షైన్ మోటార్ సైకిల్.
కేసును ఛేదించిన పెద్దకొడపగల్ ఎస్ఐ జి. అరుణ్ కుమార్, సిబ్బందిని జిల్లా ఎస్పీ ఎం. రాజేష్ చంద్ర, ఐపీఎస్ అభినందించారు.
إرسال تعليق