سی آئی ٹی یو ضلع جنرل سکریٹری نور جہاں کا انتقال

  

#ఎంపీడీవో ఇంట్లో 40 తులాల బంగారం అపహరణ

తెలంగాణ డైలీ న్యూస్, కామారెడ్డి: కామారెడ్డి జిల్లా కేంద్రంలోని విద్యానగర్ కాలనీలో ఆదివారం అర్ధరాత్రి భారీ చోరీ కలకలం రేపింది. రాజంపేట ఎంపీడీవో బాలకృష్ణ నివాసంలో దుండగులు చొరబడి భారీగా నగదు, బంగారు ఆభరణాలు దోచుకెళ్లారు.

ఘటన వివరాలు:

 స్థలం: విద్యానగర్ కాలనీ, జన్మభూమి రోడ్డులోని శ్రీ సాయి అపార్ట్‌మెంట్

సమయం: ఎంపీడీవో బాలకృష్ణ కుటుంబ సభ్యులు వైద్య పరీక్షల నిమిత్తం శనివారం హైదరాబాద్‌కు వెళ్లారు. ఆదివారం రాత్రి తాళం వేసి ఉన్న ఇంటిని లక్ష్యంగా చేసుకున్నారు.

 చోరీ తీరు: ప్రధాన ద్వారం తాళాలు పగులగొట్టి లోపలికి ప్రవేశించారు.

 పోయిన సొత్తు: బీరువాలో భద్రపరిచిన సుమారు 40 తులాల బంగారం, 60 తులాల వెండి వస్తువులు, రూ. 1 లక్ష నగదు

పోలీసు దర్యాప్తు:

సోమవారం ఉదయం తాళాలు పగలగొట్టి ఉండటాన్ని గమనించిన స్థానికులు పోలీసులకు సమాచారం అందించారు. పట్టణ సీఐ నరహరి సిబ్బందితో ఘటనా స్థలాన్ని పరిశీలించారు.

క్లూస్ టీం:వేలిముద్రల నిపుణులు ఆధారాలు సేకరించారు. సీసీటీవీ ల ద్వారా అపార్ట్‌మెంట్ పరిసరాల్లోని కెమెరాల దృశ్యాలను విశ్లేషిస్తున్నారు.కేసు నమోదు చేసి త్వరలోనే నిందితులను పట్టుకుంటామని సీఐ నరహరి తెలిపారు.

పోలీసుల సూచన: వేసవి సెలవులు, పెళ్లిళ్ల సీజన్ దృష్ట్యా ప్రజలు అప్రమత్తంగా ఉండాలని, విలువైన నగలను ఇంట్లో ఉంచుకోకుండా జాగ్రత్త వహించాలని కోరారు.