వర్షాలతో కళకళలాడుతున్న కామారెడ్డి
జిల్లా సగటు 22% మిగులు వర్షపాతం
ప్రాజెక్టులకు భారీ ఇన్ఫ్లో - కళ్యాణి గేట్లు ఎత్తివేత
కామారెడ్డి: జూలై 31 నాటికి కామారెడ్డి జిల్లాలో రుతుపవన వర్షాలు ఉధృతంగా కురుస్తున్నాయి. తెలంగాణ డెవలప్మెంట్ ప్లానింగ్ సొసైటీ డేటా ప్రకారం జిల్లాలో సాధారణం కంటే 22% అధిక వర్షపాతం నమోదైంది.
జిల్లా వర్షపాత వివరాలు
31-07-2026 వరకు జిల్లా సంచిత వర్షపాతం 474.5 మి.మీ నమోదు కాగా, సాధారణం 389.1 మి.మీ. జిల్లా సగటు రోజువారీ వర్షపాతం 47.7 మి.మీ.
25 మండలాల్లో 1 మండలం "Large Excess", 12 మండలాలు "Excess", 12 మండలాలు "Normal" గా ఉన్నాయి.
- అత్యధికం: భిక్నూర్ 643.4 మి.మీ - 76% మిగులు
- ఇతర Excess మండలాలు: కామారెడ్డి 46%, దోమకొండ 46%, తాడ్వాయి 42%, బీర్కూర్ 42%, నసురుల్లాబాద్ 32%, సదాశివనగర్ 32%
- 31వ తేదీ అత్యధిక వర్షం: నసురుల్లాబాద్ 89.3 మి.మీ, బీర్కూర్ 76.8 మి.మీ
వ్యవసాయ శాఖ అధికారుల ప్రకారం ఖరీఫ్ పంటలకు ఎలాంటి ఇబ్బంది లేదు. లోతట్టు ప్రాంతాల్లో మాత్రం నీటి నిల్వపై నిఘా ఉంచారు.
జలాశయాల్లో పెరుగుతున్న ఇన్ ఫ్లో
జిల్లాలో కురుస్తున్న వర్షాలతో పాటు ఎగువ ప్రాంతాల్లో వర్షాలకు ప్రాజెక్టులకు భారీగా నీరు చేరుతోంది.
- నిజాంసాగర్: 3,935 క్యూసెక్కుల ఇన్ఫ్లో
- పోచారం ప్రాజెక్టు: 2,373 క్యూసెక్కుల ఇన్ఫ్లో
- కౌలాస్ నాలా: 610 క్యూసెక్కుల ఇన్ఫ్లో
కళ్యాణి ప్రాజెక్టు నిండి గేట్లు ఎత్తివేత
ఎల్లారెడ్డి మండలం తిమ్మారెడ్డి గ్రామ శివారులోని కళ్యాణి ప్రాజెక్టు పూర్తిస్థాయి 409.50 మీటర్లకు చేరింది. గురువారం 150 క్యూసెక్కుల వరద రావడంతో అధికారులు 2 గేట్లు ఎత్తి, 150 క్యూసెక్కుల నీటిని మంజీరా నదిలోకి విడుదల చేశారు. ఈఈ సాకేత్ ఈ విషయం తెలిపారు.
వాతావరణ శాఖ ప్రకారం మరో రెండు రోజులు వర్షాలు ఉండే అవకాశం ఉండటంతో జలాశయాలకు మరింత వరద వచ్చే అవకాశం ఉందని నీటిపారుదల శాఖ అధికారులు చెప్పారు.
إرسال تعليق