ఉమ్మడి నిజామాబాద్ జిల్లాలో దంచికొట్టిన భారీ వర్షం: రైతన్నల్లో హర్షం!
నిజామాబాద్ : పది రోజులుగా ఎండ వేడిమి, ఉక్కపోతతో అల్లాడిపోతున్న ఉమ్మడి నిజామాబాద్ జిల్లా ప్రజలకు, వర్షం కోసం ఎదురుచూస్తున్న అన్నదాతలకు ఆదివారం సాయంత్రం కురిసిన భారీ వర్షం ఎంతో ఊరటనిచ్చింది. మధ్యాహ్నం నుంచి సాయంత్రం వరకు కురిసిన వర్షాల వల్ల లోతట్టు ప్రాంతాలు జలమయం అయ్యాయి. వీడియో 👇
పంటలకు జీవధార
- రక్షణగా నిలిచిన వాన: మరో వారం రోజులు వర్షాలు పడకపోతే వర్షాధార పంటలు ఎండిపోయే ప్రమాదం ఉన్న తరుణంలో ఈ వర్షం పంటలకు ప్రాణం పోసింది.
- ఆయకట్టులో ఉత్సాహం: నిజాంసాగర్ ఆయకట్టు ప్రాంతంతో పాటు బాన్సువాడ, బోధన్, కామారెడ్డి, జుక్కల్, ఎల్లారెడ్డి, గాంధారి, లింగంపేట్, భిక్కనూర్, సదాశివ్ నగర్ ప్రాంతాల్లో సాగు చేసిన వరి, సోయాబీన్, పత్తి, మొక్కజొన్న, పెసర పంటలకు ఈ వర్షం ఎంతో మేలు చేసింది.
జలకళ సంతరించుకున్న జలాశయాలు
- నిజాంసాగర్ ప్రాజెక్టు నీటిమట్టం 13 టీఎంసీలకు చేరుకుంది.
- పోచారం, కోలాస్, శ్రీరామ్ సాగర్, కళ్యాణి ప్రాజెక్టులతో పాటు మంజీరా, గోదావరి నదుల్లోకి భారీగా వరద నీరు వచ్చి చేరుతోంది.
- జిల్లాలోని చెరువులు, వాగులు, వంకలు నిండుకుండలా మారి పొంగిపొర్లుతున్నాయి.
ఈ వానకాలం సీజన్కు సరిపడా వర్షం పడడంతో పంటలకు ఎలాంటి డోకా లేదని రైతులు ఆనందం వ్యక్తం చేస్తున్నారు. భారీ వర్షం కారణంగా నిజామాబాద్, బోధన్, కామారెడ్డి ప్రాంతాల్లోని లోతట్టు ప్రాంతాలు జలమయమయ్యాయి.
إرسال تعليق