بانسواڑہ کے بیرکور منڈل میں انسانیت سوز واقعہ: 8 ماہ کی معصوم بچی پر بلیڈ کے وار،

కామారెడ్డి జిల్లాలో 190 అంగన్వాడీ పోస్టుల భర్తీకి నోటిఫికేషన్  

జూలై 9 నుండి ఆన్‌లైన్ దరఖాస్తులు ప్రారంభం

జిల్లాలోని మహిళలకు ఉద్యోగ అవకాశాలు 

తెలంగాణ డైలీ న్యూస్,  కామారెడ్డి: కామారెడ్డి జిల్లాలో అంగన్వాడీ టీచర్, సహాయకురాలి పోస్టుల భర్తీకి జిల్లా మహిళా శిశు వికలాంగుల మరియు వయోవృద్ధుల శాఖ నోటిఫికేషన్ విడుదల చేసినట్లు జిల్లా మహిళా శిశు సంక్షేమ శాఖ అధికారి కుమారి ఐ. ప్రసన్న ఒక ప్రకటన లో పేర్కొన్నారు.

190 పోస్టులకు దరఖాస్తులు

జిల్లాలోని బాన్సువాడ, దోమకొండ, కామారెడ్డి, మద్నూర్, ఎల్లారెడ్డి అనే 5 ICDS ప్రాజెక్టుల పరిధిలో మొత్తం 190 ఖాళీలు ఉన్నాయి. వీటిలో 95 అంగన్వాడీ టీచర్ పోస్టులు, 95 అంగన్వాడీ సహాయకురాలి పోస్టులు ఉన్నాయి.  

అత్యధికంగా బాన్సువాడలో 46, అతి తక్కువగా కామారెడ్డిలో 26 పోస్టులు ఉన్నాయి.

ప్రాజెక్టు పేరు అంగన్‌వాడీ టీచర్ అంగన్‌వాడీ హెల్పర్ మొత్తం

బాన్స్వాడ 22 24 46

దోమకొండ 15 26 41

కామారెడ్డి 12 14 26

మద్నూర్ 25 10 35

ఎల్లారెడ్డి 21 21 42

మొత్తం**95  **95  190

జిల్లా మహిళా శిశు సంక్షేమ శాఖ అధికారి కుమారి ఐ. ప్రసన్న 

దరఖాస్తు తేదీలు ఇవే 

ఆసక్తి ఉన్న అర్హులైన మహిళలు 09.07.2026 నుండి 25.07.2026 సాయంత్రం 5 గంటలలోపు http://wdcw.tg.nic.in వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాల్సి ఉంటుంది. ఆఫ్‌లైన్ దరఖాస్తులను స్వీకరించరు.  

ఎంపికైన అభ్యర్థుల ధృవపత్రాల పరిశీలన 28.07.2026 నుండి 01.08.2026 వరకు సంబంధిత ప్రాజెక్టు కార్యాలయంలో జరుగుతుంది.

అర్హతలు ఇలా ఉన్నాయి:

1. విద్య: అంగన్వాడీ టీచర్ పోస్టుకు ఇంటర్ ఉత్తీర్ణత తప్పనిసరి. 10వ తరగతి ఉత్తీర్ణులు కూడా దరఖాస్తు చేసుకోవచ్చు.  

2. వయసు: 01.07.2026 నాటికి 18 నుండి 35 సంవత్సరాల మధ్య ఉండాలి.  

3. స్థానికత: దరఖాస్తు చేసుకునే మహిళ ఆ అంగన్వాడీ కేంద్రం ఉన్న గ్రామ పంచాయతీ/వార్డుకు చెందిన స్థానిక నివాసి అయి ఉండాలి.

ఎంపిక ఇలా జరుగుతుంది

మొత్తం 100 మార్కులకు ఎంపిక ఉంటుంది.  

- ఇంటర్ మార్కులు: 70 మార్కులు  

- ప్రత్యేక కేటగిరీ: వితంతువులకు 5, అనాథలకు 10, దివ్యాంగులకు 5 మార్కులు  

- ఇంటర్వ్యూ: 10 మార్కులు  

అప్‌లోడ్ చేయాల్సిన పత్రాలు 

SSC, కుల, ఇంటర్ మార్కుల మెమో, నివాస, ఆధార్, ఓటర్ ID సర్టిఫికెట్లను స్కాన్ చేసి అప్‌లోడ్ చేయాలి. వితంతు, అనాథ, దివ్యాంగ ధృవీకరణ పత్రాలు ఉంటే వాటిని కూడా అప్‌లోడ్ చేయాలి.

అర్హులైన మహిళలు ఈ అవకాశాన్ని సద్వినియోగం చేసుకోవాలని జిల్లా కలెక్టర్ కోరారు.

మరిన్ని వివరాలకు: http://wdcw.tg.nic.in వెబ్ సైట్ లో చూడాలి.